A educación pública da Xunta de Galicia aposta pola excelencia na formación a través deste Premio de innovación educativa. Grazas ao CIFP Ánxel Casal de Monte Alto isto convértese nunha realidade para os expertos en Audioloxía Protésica.
Agora é o momento de aproveitalo.
Investigamos novas maneiras de aprendizaxe, máis interactivas e productivas, para que o alumno adquira os coñecementos que precisa para desenvolver a súa carreira profesional.
Antes da posta en marcha probamos ben todo o que facemos con casos simulados, para atopar erros ou opcións de mellora antes de poñelo en práctica na vida real.
Colaboramos con entidades sen ánimo de lucro para que o alumnado se responsabilice da súa formación coa posta en práctica dos coñecementos adquiridos con usuarios/as.
Esta plataforma nace como unha necesidade imperante no sistema educativo para acadar un novo cambio de paradigma. Fomentar un espírito baseado no desenvolvemento personal do noso alumnado.
O emprego das TICs permiten conectar as aulas co sector produtivo e ter un acceso inmediato á información coas vantaxes que iso supón.
É aquí e agora, xusto cando é preciso, optimizando tempos e gañando en calidade de formación.
Grazas á nosa metodoloxía os nosos estudiantes acadan grandes logros tanto ao longo da súa vida académica coma na súa andadura profesional.
Todos os cursos desta plataforma oriéntanse segundo as necesidades do sector actual. Tes algunha suxestión? Non dubides en propoñela e mentres bota unha ollada aos nosos cursos.
Le o código QR do equipo e accede de forma directa aos manuais, vídeos e PNTs de traballo.
Conta cun visualizador que toma fotografías e graba video para realizar as exploracións de oído.
Accede a todos os vídeos e materias de traballo do taller de moldes.
Podes descargala no teu móbil, tablet ou calquera dispositivo electrónico.
Neste centro pódese optar á obtención da titulación cursando o ciclo no réxime ordinario (horario de mañá) ou no réxime modular (horario de tarde).
Ate o momento neste centro impártense ditas ensinanzas exclusivamente no réxime de modular (horario de tarde).
Ditas ensinanzas réxense polo Decreto 70/2010, do 8 de abril, polo que se establece o currículo do ciclo formativo de grao superior correspondente ao título de técnico superior en audioloxía protésica.
Dotado co equipamento e materiais necesarios para a elaboración de moldes, protectores auditivos e próteses auditivas non implantables aloxadas no oído. Anualmente realízanse Xornadas de Portas Abertas para a creación de protectores auditivos á medida.
Espazo dotado co equipamento necesario para realizar avaliacións audiolóxicas ao alumnado e a usuarios/as participantes do Proxeto Social “Oír para vivir”.
Conta con tres cabinas sonoamortezidas e equipamento de electromediciña para a realizacióndas probas audiolóxicas. Dispón tamén do simulador OTIS nun equipo informático e o simulador AUBELI (cedido por Jesús Carballeira Flórez).
Equipada con 20 postos informáticos nos que están instalados NOAH e todo o software de adaptación dos distintos fabricantes do sector. Neste espazo impártese tamén Electrónica Aplicada aos Audífonos. Dispón de todo o material preciso para a práctica (voltímetros, soldadores,…)
Espazo de consulta de revistas científicas, vídeos, libros e bibliografía específica. Conta tamén con unha sala de ordenadores para traballar. Actualmente están a desenvolver o servizo de radio do centro.
Ten unha capacidade aproximada de 150 persoas. Está dotada coa última tecnoloxía. Anualmente acolle as Xornadas de Audioloxía Protésica e outras actividades de interese para o centro.
Tanto se es profesional do sector, formador ou estudiante de audioloxía querémoste neste proxecto. Cubre o formulario e cóntanos que cres que poderías aportar a este proxecto, poñerémonos en contacto contigo o antes posible.
